25.09.2023
தலைமைத்துவ ஆற்றல் – 01
“மேலும், ஆணவமிக்கோரிடமிருந்து உம் அடியானைக் காத்தருளும். அவர்கள் என்னை ஆட்டிப் படைக்காதிருக்கட்டும்; அப்பொழுது, நான் மாசற்றிருப்பேன்; பெரும்பிழை எதையும் செய்யாதிருப்பேன்.”
திருப்பாடல்கள் 19:13
ஒரு தன்னலம்மிக்க தலைவர் கடவுளின் வாக்குறுதிகளை திருமறைச் சூழலுக்கு வெளியே எடுத்துக்கொண்டு, தனக்கு என்ன வேண்டும் என்பதை விளக்கி, தெய்வீக வாக்குறுதிகளை தன்னலம் கருதி தவறான கூற்றுகளாக மாற்றி, தன்னையும் மற்றவர்களையும் ஏமாற்றுகிறார்.
“பெரிய மீறுதல்” என்பது, பிரச்சனைகளுக்கு தீர்வுகாண கடவுளுடைய வார்த்தை போதாது என்று அறிவிப்பதாகும்; இது மனிதநேய உளவியலை மிகவும் தவறாக ஆக்குகிறது, அப்படிப்பட்டவர்களை தழுவுவது கடவுளின் வார்த்தை போதுமானதாக இல்லை என்று கூறுகிறது.
அகங்கார பாவங்கள் அல்லது அக்கிரமங்கள் என்பது அறியாமை மற்றும் கவனக்குறைவு ஆகிய நிலையில் செய்யப்படுகின்ற தவறுகள் அல்ல. மாறாக, தலைமைத்துவ பொறுப்பில் இருக்கின்ற போது அதிகாரமற்றவர்கள் அல்லது நம்முடைய அதிகாரத்திற்கு கீழ் பணியாற்றுகின்றவர்கள் மீது திட்டமிட்டே வேண்டுமென்றே செய்கின்ற கொடுமைகள், பழிவாங்குதல்கள், தண்டிக்கும் செயல்கள் ஆகியவை அகம்பாவத்தினால் செய்கின்ற பாவங்கள் ஆகும். அகம்பாவம் என்ற சொல் அடிப்படையில் உள்ளத்திலிருந்து செய்யப்படும் பாவம் என்ற பொருளை உணர்த்துகிறது. இத்தகைய மீறுதல்களுக்கு திருச்சட்டம் ஈடுசெலுத்தும் செயல் எதையும் வழங்கவில்லை.
அதிகாரத்தை திட்டமிட்டே தவறாக பயன்படுத்துபவர் கடவுளை இகழ்ச்சிக்குள்ளாக்குகிறார். எளியவருக்கான கடவுளின் நீதிக்கு எதிராக அதிகார வன்முறையில் ஈடுபடுபவர் மனிதருக்கு எதிராக மட்டுமல்ல, கடவுளுக்கு எதிராக பாவம் செய்கிறார்.
அறியாமை மூலம், அறியாமல் என்ற இந்த வார்த்தை அறியாமையின் பாவங்களுக்கு மட்டுமல்ல, பலவீனம் மற்றும் வெறித்தனத்திற்கும் பொருந்தும். இருப்பினும், லேவிய சட்டம் வேண்டுமென்றே அல்லது தற்பெருமையுடன் செய்த பாவங்கள், அதீத பாவங்களுக்கு எந்த ஈடுசெலுத்தும் பலியையும் வழங்கவில்லை என்பதை கவனிக்க வேண்டும்.
இப்படியிருக்க, திருப்பாடல் ஆக்கியோன் இத்தகைய அகம்பாவம் நிறைந்த பாவங்களைச் செய்வதிலிருந்து, பெரும் அத்துமீறலில் இருந்து தடுக்கப்படவும் குற்றமற்றவராக விளங்கவும் வேண்டும் என்று மன்றாட்டு ஏறெடுக்கிறார்.
மறைதிரு. டால்ட்டன் மனாசே
ஆற்காடு லுத்தரன் திருச்சபை